Muqdisho (Caasimada Online) – Dab xoog leh ayaa caawa ka kacay suuqa weyn ee Bakaaraha ee magaalada Muqdisho, kaas oo dadaal dheer kadib hadda lagu guuleystay in la demiyo.
Dabkaas ayaa ka kacay qeybta daawada ee Suuqa Bakaaraha, waxaana ku basbeelay dhowr dukaan ooh anti badan ay taallay.
Guddoomiyaha Degmada Howlwadaag Bashiir Cabdi Maxamed ayaa warbaahinta la hadlay goordhow markii lagu guuleystay deminta dabkaas.
Wxuuu sheegay in wax khasaare nafeed ah uusan geysan dab ka kacay qeybta Daawada ee Suuqa Bakaaraha, isla markaana lagu guuleystay in la demiyo.
Sidoo kale, Guddoomiyaha ayaa xaqiijiyey inay basbeeleen dhowr tukaan oo hal qeyb iskula yaallay, isla markaana ay ku dadaaleen in dabku uusan ku faafin qeybaha kale ee suuqa.
“Ilaah ayaa ku mahadsan wax khasaare nafeed ah ma geysan dabkaan, laakiin hanti ayaa ku baaba’day, ilaa dhowr tukaan ayaa gubatay, ugu dambeyn dabkii waa ka adkaanay, ilaahey ayaa nagu guuleeyey,” ayuu yiri Guddoomiyaha Degmada Howlwadaag Bashiir Cabdi Maxamed.
Ugu dambeyntii Guddoomiyaha ayaa u mahadceliyey shirkadda Hormuud oo sida uu sheegay gurmad deg deg ah u dirtay goobta, kuna guuleysatay deminta dabkaas.
Hoos ka daawo