Muqdisho (Caasimada Online) Sida uu soo sheegayo wariyaha Shabakadda Caasimada Online ee ku sugan xarunta golaha baarlamaanka, waxaa hadda soo dhammaaday fadhigga baarlamaanka oo maanta in ka badan lix saac qaatay, waxaa laga dooddayay mooshinka laga keenay raysal wasaaraha.
In ka badan 30-mudane ayaa maanta ka hor akhriyay xildhibaannada baarlamaanka mooshinka raysal wasaaraha laga keenay, waxaa kaloo ku jiray xildhibaano aygana taageerayay raysal wasaaraha.
Guddoomiyaha Golaha Baarlamaanka Maxamed Cismaan Jawaari oo kulanka shir guddoominyay ayaa sheegay in fadhigga uu xiran yahay maadama waqti badan la fadhiyay, wuxuuna sheegay in maalinta berri meesha laga sii wadi doono.
Waxaa lagu tilmaamay dodda maanta midii ugu adkeyd ee ebid dhex marta baarlamaanka Soomaaliya tan iyo markii la unkay, waxaa laga dareemayay xildhibaannada sida ay u kala taageersan yihiin madaxweynaha iyo raysal wasaaraha oo hadda uu khilaaf xooggan uu ka dhex taagan yahay.
Caasimada Online
Xafiiska Wararka Muqdisho