Muqdisho (Caasimada Online) Madaxweynaha Soomaaliya, Xasan Sheekh Maxamuud oo galabta shir jaraa’id ku qabtay Villa Somalia, ayaa soo dhaweeyay go’aankii maanta ay qaateen baarlamaanka Soomaaliya, kuwaasoo codka kal soonida kala laabtay raysal wasaaraha Soomaaliya.
Madaxweynaha waxaa kaloo uu shirka jaraa’id ku amaanay raysal wasaarihii hore ee Soomaaliya Cabdi Faarax Shirdoon Saacid, wuxuuna sheegay in isaga iyo xukuumadiisa ay sii shaqeen doonaan ilaa inta uu ka soo magacaabaayo raysal wasaare cusub.
Madaxweynaha ka dhawaajiyay in wax khilaaf ah uusan kala dhexeynin raysal wasaaraha xafiiska ka tagay, wuxuna caddeeyay in marnaba uusan dhihin xilka ayaan kaa qaadayaa sida uu yiri.
Madaxweynuhu wuxuu kaloo uu xusay in wixii maanta dhacay uu ahaa arrin dastuur ah, isagoona ka dhawaajiyay in khilaafaadka dowladda lagu xallin doono gudaha dalka oo aan loo qaadi doonin waddamada dibedda.
Madaxweyne Xasan Sheekh ayaa ku celcliyay shacabka Soomaaliyeed in ay ku kal soonaadaan dowladiisa.
Halkan ka dhageyso codka madaxweynaha
Caasimada Online
Xafiiska Wararka Muqdisho