Cairo (Caasimada Online) Wararka naga soo gaaraya magaalada Qaahira ee xarunta dalka Masar ayaa sheegaya in halkaas uu ku dhaawacmay wiil Soomaali ah, kaasoo wax ka barta Jaamacadda Al-Azhar.
Wiilka dhaawacmay oo lagu magacaabo Cilmi Xaajo Daahir, ayaa ku dhaawacmay rabshado Jaamacadda Azhar ka dhacday oo u dhexeysay ardayda iyo ciidanka booliska.
Wiilka Soomaaliga ayaa loo qaaday Isbitaal Qaahira ku yaalla halkaasoo lagu daweynayo.
Dhaawaca soo gaaray wiilka Soomaaliga, waxaa ka carooday arday badan oo Soomaali ah oo wax ka barta Jamacadda Al-Azhar, waxaana ay sheegeen in ay ka walwal san yihiin in ay dhibaato ka soo gaarto rabshadaha ka socda magaalada Qaahira
Caasimada Online
Xafiiska Wararka Cairo |Egypt
- Advertisement -