Muqdisho (Caasimada online) Ururka ahlu Sunna waljamaaca , ayaa dhaliil waxay ka miijiyeen kulanka la isku mari la’yahay wali ee ka soconaya magaalada Adis Ababa ee dalka Ethiopia ee u dhexeeya Maamulka Axmed Madoobe iyo dowlada Soomaaaliya, iyagoona si cad uga soo horjeestay kulamadaas.
Mas’uul ka tirsan ururka Ahlu Sunna oo lagu magacabo Sheekh Mursan Sheekh Isxaaq “Geesa Dheere” aya sheegay inuu cambaareynayo wada hadalka Dowlada iyo Maamulka uu hogaamiyo Axmed Maxamed Islaam,isagoona ku dhaliilay in arin danaha Soomaaliya ku saabsan loogu soo wada heshiiyo dalka Dibadiisa .
Wuxuu sheegay in Maamulka Axmed Madoobe inay dhibaato ku hayaan shacabka dega gobolada Jubbooyinka iyo Gedo, waxaana uu dowlada Soomaaliya ku tilmaamay inay ku qaldoontay inay gor gortan lagasho Axmed Madoobe iyo Maamulkiisa isagoo sheegay inay xitaa wali ay muujinayaan inay ka caga jiidayaan wada hadalka sida uu sheegay.
Ururka ahlu Sunna ayuu sheegay inaysan marnaba ogolaan doonin in maamulka Axmed madoobe inuu ka howlgalo Gobolka Gedo , isagoo sheegay intaasi ay tahay mid ka go’an ururka isla markana Axmed Madoobe aanu shaqo u laheyn Gedo .
Dowlada Soomaaliya ayaa waxay wada hadal kula jirtaa Maamulka Axmed Madoobe, kaasi oo la doonayo in la isugu soo dhaweeyo labada dhinac
Caasimada online
Xafiiska Muqdisho