Akhriso: Farmaajo oo Geerida Wasiirka aawgii dib ugu soo laabanaayo Muqdisho

By Asad Cabdullahi Mataan

Muqdisho (Caasimada Online)-Madaxweynaha Jamhuuriyadda Federaalka ah ee Somalia Maxamed C/llahi Farmaajo ayaa goordhow shaaciyay inuu soo gabagabeynaayo booqashada uu ku joogo magaalada Addis Ababa ee xarunta dalka Ethiopia.

Qoraal kooban oo lagu soo dabacay Barta Twetter-ka Villa Somalia ayaa waxaa lagu sheegay in Madaxweynaha uu dib ugu soo laabanaayo Magaalada Muqdisho.

Qoraalka ayaa waxaa lagu sheegay in Madaxweynaha uu ka qeybgali doono aaska Marxuum Wasiir Cabaas Siraaji oo Caawa lagu dilay afafka hore ee Villa Somalia.

Booqashada Madaxweynaha ee dalka Ethiopia ayaa aheyd muddo laba cisho ah, waxaana lagu wadaa in maalinta beri ah uu dib ugu soo laaban doono magaalada Muqdisho si uu uga qeybgalo aaska Wasiirka.