Keating oo faragelin qaawan ku sameeyey go’aanada labada aqal ee baarlamanka Somalia

Muqdisho (Caasimada Online) – Wakiilka Xoghayaha Guud ee Qaramada Midoobay ee Soomaaliya Micheal Keating ayaa qoraal yaab leh oo faragelin ku ah Baarlamaanka Soomaaliya u dirayu guddoonka labada aqal, Warqadan ayaa ku socotay Guddoomiyaha Golaha shacabka Maxamed Sheekh Cusmaan Jawaari iyo Guddoomiyaha Goalah Aqalka Sare Cabdi Xaashi Cabdullaahi, iyadoo lagu ogeysiiyay Madaxweynaha Soomaaliya Maxamed C/llaahi Farmaajo.

Qoraalka oo si toos ugu diray Guddoonka labada aqal ee Baarlamaanka, lana ogeysiiyay Madaxweyne Farmaajo ayuu Mr. Keating wax lala yaabo ku tilmaamay inaan wax haween ah aan lagu soo darin guddiga dib u eegista Dastuurka ee labada Aqal.

Isagoo ku hadlaya magaca waxa loogu yeero beesha caalamka ayuu Wakiilka Q/Midoobay sheegay inay tixgelinayaan doorashadii 7-da bishan Ogost 2017 Guddoomiyaha Guddiga loogu doortay Cabdi Xasan Cawaale (Qeybdiid), laakiin welwel ka qabaan in uu guddiga uu shaqo bilaabo, iyadoo wax haween ahi anay ka mid ahayn.

“Aniga oo ku hadlaya magaca Kooxda Copenhegan oo ka kooban Safiirada Itoobiya ,Sweden, Talyaaniga, Qaramada Midoobay, Ingriiska, Mareykanka, Midowga Afrika, Midowga Yurub iyo Urur Goboleedka IGAD waxa aan qoraalkeygan idinku wargalineynaa in aan tixgalinnay doorashadii 7da Ogosto loogu doortay Senotor Cabdi Xasan Cawaale Qybdiid inuu noqdo Guddoomiyaha Guddiga Wadajirka ee Dib U eegista Dastuurka ee Baarlamaanka Soomaaliya, hase yeeshee waxa aan ka walaacsannahay in uu guddigaasi uu shaqo bilaabo, iyadoo haweenku aaney ku laheyn wax matalaad ah,  sababtoo ah guddigan waxa uu door muhiim ah ka ciyaarayaa qaabeynta musaqbalka Soomaaliya”ayuu qoraalkiisa ku yiri Micheal Keating.

Waxaa kale oo qoraalka lagu sheegay “Soomaaliya waxa ay tallaab muhiim ah u qaaday hirgalinta dowlad loo wada dhan yahay doorashadii 2016-2017 taas oo ay haweenku ka heleen 24% xubnaha baarlamaanka sidoo kale waxaa kordhay xubnaha haweenka ku jira Gollaha xukuumadda ,marka in la dafiro doorka haweenka oo aaney wax cod ah ku yeelan dib u eegista Dastuurka iyaga oo ah  in ka badan 50% bulshada Soomaaliyeed waa mid meel ka dhac weyn kana soo horjeeda cadaaladda iyo Xuquuqul insaanka, waxaana haweenka oo laga saaro guddiga ay su’aal galineysaa sharciyadiisa iyo awoodiisa taasoo adkaaneysa inuu ku guuleysto howsha loo igmaday ee ah dib u eegista dasuurka federaalka”

Haddaba halkaan hoose ka akhriso waraaqdaan oo ku qoran luuqadda Ingiriiska