Arsenal iyo Tottenham oo Man Utd kula biiray xiisaha Strootman.

By Asad Cabdullahi Mataan

Ciyaaryahanka qadka dhexe ee kooxda PSV Kevin Strootman ayaa si diiran usoo jiitay kooxihii doonayey kulankii sabtidii ay kooxdiisu la ciyaartay Ajax.

Ciyaaryahanka heerka caalami ee dalka Holland ayaa waxaa daawanaayey wakiilka Arsenal wax u indha-indheeya Steve Rowley iyo wakiil kale oo ka socda Manchester United.

Sidoo kale sarkaal ka socda Tottenham ayaa ku sugnaa Amsterdam Arena kulankii ayAjax3-1 ku garaacday PSV.

22-jirkaan ayaa ciyaaray 15 kulan oo heer caalami ah, waxaana lagu qiimeyaa mid ka mid ah xidigaha qadka dhexe ee Yurub ugu fiican.

Kooxaha Premier League ayaana bilaabay inay xod xotaan xidigaan lagu qiimeeyo 20 milyan oo ginni.

Arsenal ayaa sidoo kale xiiseyneysa xidiga ay isku wadanka yihiin Strootman ee Klass-Jan Huntelaar, kaasoo 10 gool xilli ciyaareedkaan u dhaliyey Schalke.

Waxaa Qoray: Ahmed Jaangoan

E-mail: jangoan@hotmail.com

Caasimada – Mogadishu.