Dadka Jilaabatada ah ee kunool magaaalada Kismaayo ayaa cabasho ka keenay Ciidamada Ajaaniibta ee ku sugan Xeebta magaalada kismaayo.
Jilaabatadan ayaa sheegay in laga hor istaagay Howlihii Caadiga ahaa ee ay ka haysteen Xeebta magaalada Kismaayo oo ay ka soo saaran jiraan nolal maalmeedkooda.
Ciidamada Dowlada Kenya ayaa Xayiraad ku soo rogay kaluumaysigii ka jiray Xeebta magaalada,waxaana ay ku mar marsiyootay inay sugayaan Amaankeeda.
Ilaa Mudo ayay u sheegeen dadka Jilaabatada ah inaysan imaan Karin Xeebta taasna waa mid saamayn weyn kuleh dadka reer kismaayo ee qaarkood u shaqa tagi jiray halkaas.
Jilaabatadan oo Saakay lahadlay Warbaahinta ayaa sheegay in iyagii oo dalka iska lahaa bananaanka ka joogaan Xeebtii magaalada Islamarkaana waxaa ay sheegeen inay indhahooda ku arkeen Marakiib dagaal shisheeye ay guranaya qayraadkii bada oo ay Kenyana raali ugu tahay.
Arintaan ayaa waxa ay dadka magaaladu ku dhalisay tuhunada laga qabay howlgalka Soomaaliya ay ka waday Kenya in dano gaar ah ay ka lahayd sida In Dakada iyo Xeebta magaalada ay la wareegaan.
