Corinthians oo Chelsea u sheegtay inuusan iib aheyn xidiga diirada u saaran Paulinho.

By Asad Cabdullahi Mataan

Chelsea ayaa loo sheegay inay maskaxeeda ka saarto inay lasoo saxiixato xidiga qadka dhexe ee heerka caalami ee dalka Brazil Paulinho.

Roberto Di Matteo ayaa rajeynaayey inuu 24 jirkaan burburiyaha ah keeno Stamford Bridge si uu tartan ula galo xidigihiisa dooqa koowaad Obi Mikel iyo Ramires.

Laakiin xidiga lixda kulan ee caalamiga ah u saftay xulkiisa ayaa dhowaan heshiis cusub qalinka ugu duugay Corinthians, waxaana madaxweynaha kooxda Mario Gobbi Filho uu qirtay inuusan beec aheyn xidigoodu marka uu Janaayo suuqu furmo.

“Qandaraaska ayaan u cusbooneysiinay taasna ayaana xooga saarnay,” ayuu Filho u sheegay CalcioMercatoNews.com.

“Hada waa xiligii ku haboonaa in Paulinho la iib geeyo. Umase muuqato inaan taas dareen siineyno, waa in su’aashaas meesha laga saaraa.”

W/Q: Ahmed Jaangoan

E-mail: jangoan@hotmail.com

Mogadishu, Somalia.