Gaza (Caasimada Online) – Dhalinyaro kasoo jeeda Falastiin ayaa weerar loo adeegsaday ‘’Aabiteey’’ ku qaaday Askar Yahuud ah, kadib markii ay ku rakibeen madfac gacan ku sameys ah.
Dhalinyaradan oo inta badan noloshooda Yahuuda kula dagaalameysat dhagxaan, ayaa iminka u gudbay inay ku dagaalaman madaafiic.
Xeeladan cusub oo ay ku dagaalamayaan dhalinyarada cusub ayaa ka danbeysay kadib markii ay cadaadis xoog leh kala kulmeen askarta Yahuuda oo toogasho ku raadisa.
Xeeladn cusub oo ka hirgashay Falastiin ayaa waxaa lagu qarxiyay tirro Askar ah, kuwaa oo aabiteey ku rakibay madfac fudud kadibna ku qarxiyay askarta.
Dhalinyarada ayaa Abiteyda ku xiraan dhalooyin ololaya, suuf iyo isbuunyo iyo dhalooyin ay Baasiin ka buuxiyeen, kadibna ay u sii daayaan dhinaca dhulka Yuhuudda.
Saraakiisha ciidamada Yahuuda ayaa sheegay in madfaca gacan ku sameyska ah xitaa lagu weeraray xerooyin ciidan kuwaa oo geystay khasaaro.
Qaraxyada madfaca ayaa xitaa sameyn ku yeeshay beeraaleyda Yahuud waxaana dhacdadaasi la kulmay Oday Yuhuudi ah oo ka mid ah Beeraleyda deggan Deegaanka Kibbutz Nir Am.
Oday Itzik Ebbo,waxa uu Suxufiyiinta u sheegay inay waxyeello soo gaareen Abuurki ku beernaa beerahooda, isla markaana ay jiraan dhul-kaymeed badaan oo lala beegsaday Abiteyda ololaysa ee ay dadka Falastiin ugu dagaalamaan sidii Diyaaradaha Dagaalka.
