Daawo Keating: Waxaan dunida u sheegeynaa in Soomaaliya isku timid oo ay shaqeysaneyso

Muqdisho (Caasimada Online) –Wakiilka Qaramada Midoobay ee Soomaaliya Micheal Keating oo wareysi gaar ah siinayey Goobjoog News, ayaa ka hadlay arrimo badan oo dalka ku saabsan.

Waxyaabaha la weydiiyey waxaa ka mid ahaa: Madaxweyne Farmaajo sanadkii uu shaqeynayey dib u qiimee maxuu qabtay?

Michael Keating: Waxyaabo badan oo muhiim ah ayaa dhacay ugu horeyntiim markii ugu horeysay April xukuumad ayaa la magacaabay, xiriirka madaxweynaha iyo Ra’iisul wasaaraha u dhexeeyana waxa uu ahaa mid aad u adag taas oo ah wax wanaagsan, tan Labaad waxaa laga hortagay Macluul 2017, sanad ka hor waxaan ka wal waleynay in ay gaajo u dhintaan boqolaal kun oo ruux taasina ma dhicin  sababteedana waxaa lahaa qeyb ahaan hoggaanka qaran ee dalka oo ay Soomaalidu leedahay, gaar ahaanna waxaa wax badan arrintaas loo tiirin karaa madaxaweynaha oo isagu ku dhowaaqay  xaalad degdeg ah oo musiibo qaran ah wax yar uun kadib markii uu madaxweyne dalka ka noqday, waxa ayna arrintaas gacan ka geysatay in lacag la yabooho oo aan uruurinno kadibna dadkii dhibaateysnaa la caawiyo.

Tan Saddexaadna waa qorshaha qaran ee horumarineed oo lagu dhaqaaqay Soomaliyana sanado ay la heyd, waxa ay dowladdiisu saxiixday sidoo kale qorsha ammanka qaran, kaas oo wali u baahan in la hirgeliyo, laakiin horumar laga sameeyey sidaa darteed waxaa jira waxyaabo badan oo wanaagsan oo la qabtay muddadii sanadka aheyd.

Wareysiga oo buuxa hoos ka daawo

- Sponsored Ads -