Muqdisho (Caasimada Online) –C/qaadir Sheekh Cali Diini oo ah Sii-hayaha Wasiirka Gaashaandhigga Soomaaliya ayaa maanta booqasho ku tagay Saldhiga Milateri ee Turkiga ka dhistay deegaanka Jazeera halkaas oo ay dowladda Farmaajo dooneyso inay ciidamo badan tababar ugu sameyso sidoo kalana laga soo saaro saraakiil Soomaaliyeed.
Dowladda Turkiga ayaa qaab casri ah oo loo riyaaqay u dhistay xaruntaas waxaana ku sugan oo la geeyey sarakiil ka tirsan dowladda Turkiga oo doonayo inay bixiyaan tababarada halkaas lagu qaban doono.
Waxaa xaruntaas maanta si weyn loogu soo dhaweeyey wasiirka Gaashigga Soomaaliya oo kormeeray qeybaha kala duwan oo ay ka kooban tahay xerada.
Wasiira ayaa tilmaamay inay hadda meel fiican mareyso dhisidda xaruntaas isla markaas la filayo in dhawaan lasoo gabagebeeo, waxaana la filayaa in lagu bilaabo howlihii loogu talagalay oo ah in tababar loogu sameyo saraakiil ka tirsan ciidamada Dowladda.
Wasiirka ayaa mahadcelin gaar ah u diray Turkiga isagoo uga mahadceliyey dhisidda xeradaan wuxuuna tilmaamay inay midaan noqoneyso tallaabo horey loogu qaaday horuarinta iyo kor u qaadidda tayada ciidamada Soomaalida.
Waxaa la filayaa in dhawaan xariga laga jaro saldhiggaas oo ay Turkiga sheegtay inay saldhig militariga ka dhigan doonto oo ay ku tababarto ciidamada Dowladda waxaana la filayaa inay dhawaan Muqdisho soo gaaraan ilaa 4000 Kun oo sarakiil iyo ciidamo Turki ah isugu jiro.
Caasimada Online
Xafiiska Muqdisho
[email protected]