Dagaal maryo dhiig leh leysu furtay oo ka dhacay G/Sh/Hoose + Faah-Faahin

By Asad Cabdullahi Mataan

Muqdisho (Caasimada Online)-Warka ka imaanaya Degmada Afgooye ee Gobolka Sh/Hoose, ayaa sheegaya in halkaasi uu Dagaal ku dhex maray Ciidamo kawada tirsan Dowlada Federaalka Somalia gaar ahaan kuwa Militeriga.

Dagaalka ayaa la sheegayaa inuu imaaday kadib markii ay kala shakiyeen laba gaari oo ay la kala socdeen Ciidamada, iyadoona uu halkaasi ka bilowday Dagaal fool-ka-fool ah oo muddo socday.

Dagaalka ayaa waxa uu ka dhacay Baar ismaaciil oo ka tirsan Degmada Afgooye ee Gobolka Sh/hoose, waxaana la sheegayaa in Dagaalkaasi uu Khasaaro kasoo gaaray Laba askari oo dhaawac soo gaaray, mid kamidna uu aad u liito dhaawaciisa.

Dhanka kale, Dagaalka markii uu muddo socday kadib ayaa waxaa kala dhex galay Ciidamo kale oo ka tirsan Dowlada kuwaasi oo isla goobta ka qaaday dhawacyada, mana aha markii ugu horeysay oo ay Ciidamo ku dagaalamaan Degmadaasi.

Caasimada Online

Xafiiska Muqdisho

Caasimada@live.com