Cadaaddo (Caasimada Online) War hadda na soo gaaray ayaa sheegaya in magaalada Cadaaddo ee xarunta maamulka Ximin iyo Xeeb lagu arkay kolonyo oo ay lee yihiin AMISOM gaar ahaan kuwa Jabuuti.
Wariye ku sugan Cadaaddo ayaa sheegay in dadka ku dhaqan magaalada ay halmar ku soo tooseen gaadid badan oo u raran AMISOM gaar ahaan kuwa Jabuuti oo magaalada ku sugan.
Maamulka Ximin iyo Xeeb oo arrintan wax laga weydiiyay ayaa sheegay in aysan ka war heynin ciidamo AMISOM oo la keenaayo deegannadooda, waxaana ay ku tilmaameen arrin xad gudub oo aan lagu soo wargalin.
Si kastaba, baabuurta u raran AMISOM ayaa la sheegay in ay hadda ku xayiran yihiin xarunta maamulka Ximin iyo Xeeb, mana jirto cid ilaa hadda faah-faahin ka bixiyay gaadiidkan iyo cida ay u kireesan yihiin.
Waxaa horrey loo sheegay in ciidamo AMISOM ah gaar ahaa kuwa Jabuuti ee ku sugan gobalka Hiiraan in la geyn doono magaalada Cadaado ee xarunta maamulka Ximin iyo Xeeb.
Wixii warar ah ee ku soo kordhan warkan kala soco Shabakadda Caasimada Online