Muqdisho (Caasimadda Online) – Garoonka Diyaaradaha Aadan Cadde International ayaa daqiiqado ka hor waxaa ku burburtay diyaarad qaabilsan la talinta Howlaha Amniga iyo Tababarka Ciidamada AMISOM.
Diyaaradaan ayaa waxaa iska leh shirkadda Bancroft ee qaabilsan la talinta howlaha amniga iyo tababarka ciidamada AMISOM ayaa goor dhow ku bur burtay garoonka diyaaradaha Muqdisho.
Diyaaradaan ayaa lugaha la bixis weysay waxayna muddo saacado ah ku dul heehaabeysay garoonka Diyaaradaha Aadan Cadde taasoo markii dambe keentay inay diyaaradda burburto.
Sida ay xogta ku heleyso Caasimadda Online diyaaradaha ayaa waxaa aarnaa sarakiil ajaanib ah, waxaana la xaqiijiyey inay ku burburtay wadada ay ku ordain diyaaradaha kasoo dago garoonka Aadan Cadde.
Waxaa la joojiyey diyaarado saak duuli lahaa, waxaana ka gebi ahaanba hakad galay duulimaadyadii ee garoonka Aadan Cadde, gawaarida dab damiska ee yaalla garoonka diyaaradaha ayaa durbaba ku baxay diyaaradan oo ku dhex bur burtay wadada Run-wayga ee garoonka diyaaradaha Aadan Cadde.
Wixii warar ah ee kusoo kordha waan idinla socodsiin doonaa Insha Allah.