Muqdisho (Caasimada Online) – Qarax loo adeegsaday Gaari ayaa waxa uu goordhow ka dhacay Maqaaxi kasoo horjeeda Hoteel Naasa Hablood ee magaalada Muqdisho.
Dhawaqa Qaraxa ayaa laga maqlay qeybo badan oo maagaalada ah waxaana la sheegay in uu ahaa Gaari goobta la dhigay.
Gaariga Qaraxa ayaa la sheegay in la hordhigay Maqaaxida lagu magacaabo Banooda oo kasoo horjeeda Hoteel Nasa Hablood oo ku dhow eeryada taalada Xaawa Taakow ee magaalada Muqdisho.
Waxaa ka dhashay Khasaaro kala duwan waxaana xiliga uu Qaraxa dhacaayay goobta ku sugnaa dad aad u farabadan oo ka qadeenaayay Maqaaxida.
Qaraxaani ayaa noqonaaya kii labaad oo lala eegta Maqaaxida, waxaana xusid mudan in Maqaaxidaasi ay ka cunteeyan Ciidamo iyo dad shacab ah.
Dhinaca kale, Goobta uu qaraxu ka dhacaya waxa ku yal Hoteelo aad ay u Isticmaalaan Siyaasiyiinta iyo Mas’uuliyiinta Dowladda.
Caasimada Online
Xafiiska Muqdisho
Caasimada@live.com
