Muqdisho (Caasimada Online) – Waxaa goordhow Garoonka Aadan Cadde ee magaalada Muqdisho kasoo dagay Ra’isul wasaaraha Ethiopia Abiy Axmed.
Ra’isul wasaare Abiy Axmed, ayaa waxaa Garoonka Muqdisho kusoo dhaweeyay Mdaxweynaha Somalia Maxamed C/llahi Farmaahi iyo Wasiiro ka tirsan Xukuumada Somalia.
Madaxweyne Farmaajo iyo Ra’isul wasaare Abiy Axmed ayaa soo dhaweyn kadib u gudbay qeybta VIP Garoonka oo ay kuwada hadlayaan Madaxweynaha Somalia Maxamed C/llahi Farmaajo.
Abiy Axmed, ayaa waxaa socdaalkiisa Muqdisho ku wehlinaaya Mas’uuliyiin kale, waxaana lagu wadaa in Ra’isul wasaare Abiy Axmed iyo wafdigiisa loo gudbiyo Madaxtooyada Somalia.
Madxaweyne Farmaajo iyo Abiy Axmed ayaa kawada hadli doona arrimaha labada dal, Khilaafka Somalia iyo Imaaraadka iyo arrimo kale.
Sidoo kale, Abiy Axmed, ayaa la kulmi doona dhigiisa Somalia Xasan Cali Kheyre oo isagu lahaa casuumaada.
Waa markii ugu horeysay uu Ra’isul wasaaraha Ethiopia Abiy Axmed kasoo dego magaalada Muqdisho, tan iyo markii la doortay.
Caasimada Online
Xafiiska Muqdisho
Caasimada@live.com
