Muqdisho (Caasimada Online)-Wasaaradda Owqaafta iyo Diinta Xukuumada Somalia ayaa shaacisay in maalinta beri ah ay tahay maalinta 1aad ee bisha Ramadaan.
Maxamed Kheyroow Aadan oo ah Agaasimaha guud ee wasaaradda ayaa sheegay in dhalashada bisha Ramadaan caawa la arkay.
Maxamed Kheyroow oo ka hadlay dhalashada bisha ramadaan ayaa yiri ”Umadda Soomaaliyeed Hambalyo ayaan leeyahay, wasaaraddu waxaa ay xaqiijisay dhalashada bisha barakeysan ee Ramadaan”
”Mashaa’iq waaweyn iyo dad lagu kalsoonyahay oo wasaaradda la soo xiriiray ayaa noo sheegay in ay indhahooda ku arkeen bisha, sidaas darteedna caawa Ramadaan uu koow yahay”
Maxamed Kheyroow, oo sii wata hadalkiisa ayaa Umadda Soomaaliyeed ku booriyay inay is cafiyaan ayna caawiyaan dadka tabarta daran ee duruufaha adag ee xagga nolosha ku sugan.
Dhinaca kale, Maxamed Kheyrow Aadan ayaa sheegay in dalka oo dhan laga arkay bisha Ramadaan, isla markaana guud ahaan shacabka Soomaaliyeed uu ugu bishaareynayo in caawa ay tahay kowda bisha Ramadaan.
Caasimada Online
Xafiiska Muqdisho
[email protected]