Kismaayo (Caasimada Online) – Hogaamiyaha maamulka Jubba Sheekh Axmed Maxamed Islaam Axmed Madoobe oo Magaalada Kismaayo kula hadlaye Odayaashii soo doortay Axmed Madoobe, ayaa wuxuu sheegay in xilligan aysan jirin wax hortaagan dhameystirka Maamulka Jubba ee Magaalada Kismaayo.
Sheekh Axmed Madoobe, ayaa Odayaasha usheegay inay soo xulaan xubnaha Baarlamaanka ee maamulka kamid noqonaya, isaga oo qeexay inuu sii magacaabayo Golaha Wasiirada maamulkiisa si shaqada loosii bilaabo.Axmed Madoobe oo intii uu hadlaye soo hadal qaaday shirka ka socda Magaalada Baydhabo ee Gobalka Baay oo lix Gobal oo Koonfurta Soomaaliya maamul loogu sameynayo, ayaa wuxuu sheegay inay soo dhaweynayaan cid waliba oo dhisanaysa maamul wixii ay ku caawin karaana ay lagarab taagan yihiin.
Ugu dambeyn Sheekh Axmed Madoobe, wuxuu cadeeyay inaysan jirin cid ay la dagaashan yihiin hadii ay yihiin maamulka Jubba, ayna doonayaan kuwada noolaashaha nabada.
Kismaayo ayaa hada laga dareemayaa qaban qaabada ku aadan soo dhisitaanka Maamulka Jubba, iyadoo qurbajoog badan oo Jubbooyinka kasoo jeeda ay dib ugu noqdeen Kismaayo, kuwaasi oo doonaya inay iska dhex arkaan Golaha Wasiirada ama Xildhibaanada Maamulka Jubba.
Halkan ka dhageyso Axmed Madoobe
Caasimada Online
Xafiiska Kismaayo
- Advertisement -