Dhageyso: Xaaladda Qalbi-dhagax oo mugdi ku jirta kaddib arrin la shaaciyey

Muqdisho (Caasimada Online) – Sida ay sheegeen odoyaal la hadlay Idaacado kale duwan, waxaa gacanta Itoobiya laga sii-daayey Cabdikarim Qalbi-dhagax kaas oo 10 bil ka hor ay dowladda federaalka ah ee Soomaaliya u gacan gelisay maamulka Itoobiya.

Laakin sida uu afhayeenka Ururka ONLF Cabdiqaadir Xasan Hirmooge u sheegay VOA-da, C/kariin ma heysto xuriyad dhameystiran, waxaana weli jira arrimo u baahan in xal laga gaaro.

Hiirmooge ayaa yiri “C/kariin wuxuu ahaa siyaasi u xirnaa dowladda Itoobiya, in odayaal uu magan u ahaado ma ahan, in sii deyn iyo heyn uu u dhaxeeyo arrimahaasi waa wax ka baxsan nidaamka maxaabiista, labaatan maallmood kahor ayaa laga sii daayay xabsiga oo lagu hayay xaafad, C/kariin waa inuu helaa xoriyadiisa siyaasiga ah.”

Dhinaca kale, gabar uu adeer u yahay Qalbi-Dhagax, islamarkaana ah mas’uul ka tirsan dowladda federaalka ah, ayaa iyada oo codsatay in magaceeda la qariyo waxa ay qabtaa walaac la midka ah ONLF, iyada oo sheegtay in weli wada hadal uu soo socda sidii xuriyad dhameystiran u heli lahaa.

Hoos ka dhageyso wareysiga Hiirmooge ee VOA.

Caasimada Online
Xafiiska Muqdisho
Caasimada@llive.com