Kismaayo (Caasimada Online) – Wararka naga soo gaaraya magaalada Kismaayo ee xarunta gobalka Jubbada Hoose, ayaa sheegaya in halkaas maanta ay ka dhaceen dilal loo geestay dad rayid ah.
Dadka la dilay waxaa ku jirra nabadoon caan ah ka magaalada sida ay noo xaqiijiyeen dad rayid ah.
Dilka kaddib waxaa magaalada ka billaabatay xiisad dagaal, taasoo keentay in magaalada ay khalkhal xagga ammaanka soo gasho.
Nabadoonka la dilay oo ka mid ah beelaha degga Kismaayo ayaa la sheegay in uu ka dambeeyay nin kale oo ay boos isku qabsadeen.
Maamulka kumeel gaarka ee Jubba ilaa hadda kama hadlin shaqaaqada ka taagan magaalada Kismaayo.
Magaalada Kismaayo ayaa waxaa mararka qaar waxaa ka dhaca iska hor imaad ka dhasha isqabqabsi la xiriira lahaanshaha dhulka, taasoo sababta aakhirka dhimasho iyo dhaawac.
Caasimada Online
Xafiiska Wararka Muqdisho