Muqdisho (Caasimadda Online) – Dowladda Soomaaliya ayaa ka dhawaajisay arrin ku adkaan doonto inay qaataan madaxda Maamul Goboleedyada dalka: Puntland, Jubbland, Koonfur Galbeed, Galmudug iyo Hirshabelle.
Wasiirka Maaliyadda Cabdi raxmaan Ducaale Beyle ayaa ku dhawaaqay Go’aan aysan soo dhaweyn doonin Maamul goboleedyada dalka, Maadaama uu sheegay in Canshuuraha si wadajir loo qaadi doono Dowlada Soomaaliyana ay maamuli doonto, maadaama markii hore uu maamul kasta si gaar ah u aruursan jirin canshuurta uu ka qaado dhulka uu ka arrimiyo.
Wasiirka ayaa sheegay in 10-Bishaan shir uu ka dhici doono Magaalada Muqdisho kaasoo ay ka qeyn gali doonaan dhamaan Wasiirada Maamul Goboleedyada dalka si loo mideeyo canshuuraha laga qaado Muqdisho, Boosaaso, Kismaayo iyo Magaalooyinka kale.
Sidoo kale Wasiirka Maaliyada Xukuumada Soomaaliya ayaa arintaan ku sheegay inay sabab u noqon karto in Soomaaliya ka maaranto beesha caalamka oo ay weydiisato deeq taas oo aan inta badan la helin balse la sameeyo Balanqaadyo been abuur.
Arrintaan ayaa saameyn weyn ku yeelan doonto Madaxda Maamul Goboleedyada, waxaana macquul ah in qaarkood ay ka hor imaadaan sida Puntland iyo Jubbaland oo loo bartay inay mar kasta mucaaradan go’aamada kasoo baxo Dowladda dhexe.
Dowladda Puntland ayaa isku dayeyso inay hesho awood la mid ah midda dowladda dhexe, wuxuuna maamulkaas dhawaan sabab u noqday inuu baaqdo kulan looga hadli lahaa shatiga Kulluumeysiga Soomaaliya.
Haddaba halkaan hoose ka dhageyso hadalka wasiirka
Caasimada Online
Xafiiska Muqdisho
[email protected]