Cadaado (Caasimadda Online) – Madaxweynaha Soomaaliya Maxamed Cabdullaahi Farmaajo oo maanta ka qeyb galay xafladda caleema saarka Madaxweynaha cusub ee Galmudug Axmed Ducaale Geelle Xaaf ayaa baaq u diray Xildhibaanada Galmudug ee Xaaf u doortay inuu noqdo Madaxweyne.
Madaxweyne Farmaajo ayaa ka dhawaajiyey in Xaaf si cadaalad ah loo doortay isla markaasna aysan jirin cid qasabtay Xildhibaanada Galmudug sidaas darteedna loo baahan yahay in la iska ilaaliyo dadka ka shaqeenayo mooshinka iyo danaha qabiilka.
“Ummada Soomaaliyeed, maanta qof xoog ku yimid ma jiro, waxaa ugu danbeeyay walaalkay Xaaf, adduunku wuxuu hadda marayaa Soomaaliya in dimoqraadiyadda looga daydo, taasina waxay ku timid waa biseylka shacabka oo diiday inay raacaan ninka qaloocan ee doonaya in qabiil lagu raaco, waxayna doorteen ninka u fiican iyagoo qabiil eegin” ayuu yiri Farmaajo.
Mooshinka ha la joojiyo, waa inaad taageertaan dowladda aad halkan ku doorateen.., waa dowlad shacab, anigana waxaa isoo doortay xildhibaano, xildhibaanaddana rabitaan shacab ayeey ku yimaadeen” ayuu hadalka kusoo gabagabeeyey.