Mario Gomez ayaa u sheegay kooxdiisa Bayern Munich inay qasab ku tahay inay sanadkaan qaado horyaalka Bundesliga Jarmalka ka dib markii ay laba sano oo isku xigta ay ku weysay gacmaha Borussia Dortmund.
Bavarians ayaan koob weyn qaadin tan iyo guushoodii 2010, Gomez ayaana u sheegay in kooxdu ay sidaan ku socoto si ay mar kale ugu guuleysato koob sanadkaan.
“Sheyga muhimka ah waa kaas waa inaan sidaan kusii soconaa ilaa Christmas-ka aanan hoos u dhicin,” ayuu Gomez saxaafada u sheegay ka dib markii ay FC Hollywood 5-0 ku xaaqday Hannover.
“Laba sano waxba kuma aanan guuleysan, sidaas darteed waa inaan horyaalka ku guuleysanaa. Wadada ayaana u saaranahay, waa inaan sidaan kusii soconaa.
“Sidoo kale sanadii hore sidaan ayaan ku soconay, laakiin hal mar ayaan dhul dhacnay. Waa inaysan sanadkaan dhicin mar kale.”
Bayern ayaa hugaanka u heysa Bundesliga iyadoo sagaal dhibcood oo nadiif ah ka sareysa kooxda kaalinta labaad ee Borussia Dortmund.
Waxaa Qoray: Ahmed Jaangoan
E-mail: jangoan@hotmail.com
Caasimada — Somalia.
