Muqdisho (Caasimadda Online) – Guddoomiyaha Gobolka Banaadir Thaabit Cabdi Maxamed ayaa xalay xil ka qaadis ku sameeyey 15 guddoomiye oo ka tirsan Degmooyinka Gobolka Banaadir isagoo xilalkaas u magacaabay shaqsiyaad cusub.
Guddoomiyaha Gobolka Banaadir ayaa beelo cusub xilal ka siiyey Degmooyinka Gobolka Banaadir halka kuwa markii hore qeyb ku lahaa u ka saaray.
Haddaba durba waxaa mucaaraday magacaabistaas laba beel oo ka tirsan Beelaha Soomaaliyeed kuwaas oo ku tilmaamay magacaabistaas xaq darro iyo ku tumasho, waxayna ka dhawaajiyeen inay si cad u mucaaradsan yihiin.
Beelaha Saruur iyo Jareer Weyne ayaa ka hor imaaday magacaabistaan, waxayna ka dhawaajiyeen inaan xaqii ay ku lahaayeen Gobolka Banaadir laga siin.
Beesha Saruur ayaa markii hore hal guddoomiye ku laheyd degmooyinka Gobolka Banaadir waxaana halkaas xil meesha ka saaray Guddoomiyaha cusub ee Gobolka Banaadir Thaabit Cabdi Maxamed.
Beesha Jareerweyne ayaa markii ugu horeysay rajeneysaa inta la xasuusto inay hal guddoomiye ka hesho degmooyinka Gobolka Banaadir balse riyadaas waxaa meesha ka saaray Thaabit oo aan wax xil ah ka siin inkastoo markii hore uu ballan qaad u sameeyey.
Caasimada Online
Xafiiska Muqdisho
caasimada@live.com