Sida ku cad warqadda hoos ku lifaaqan waxaa muuqata in aydowladdu dib u siido qayb kamid ah lacagta canshuurta ee kasoo xaroota dekedda rag ganacsato ah taas oo dadkii laga qaaday ay dacwad culus ka muujiyeen. Arrintaani waxay shaki galinaysaa ballanqaadkii dawladda cusub ee ahaa inay cirib jarayaan musuq iyo sixun wax u maamulka, ayna dakhliga dawladda ku bixin doonta halka ugu haboon.
Tixraac:
Dabayaaqadii sanadkii 2016; ayaa waxaa soo shaac baxay khilaaf xooggan oo u dhexeeya ganacsatada gobolka Banaadir, Khilaafkaas ayaa sababay in ganacsatadu ku kala tagaan Rugtii ganacsiga, koox kastaana ay samaysato xafiis Rugta Ganacsiga oo iyaga ugaar ah. Khilaaf kaan ayaa sababay:
1. In doorashooyin aan laysku raacsanayn qoloba gooni u qabsato oo ay isku caleema saareen ganacsato kala aragti duwan.
2. In xafiisyo kala duwan ay kala furtaan, iyada oo qolo waliba sheeganeyso in uu yahay xafiiskeedu kan rasmiga ah ee Rugta ganacsiga.
3. Inganacsato kabadan boqollaal ay warqad dacwad ah u gudgudbiyaan xafiisyada u sarreeya Dawladda Soomaaliya, iyaga ookacabanaya in lacag ay canshuur u bixiyaan dib loo siiyo ganacsato kale oo uu hoggaamiyo Maxamuud Gabayre.
Waxayna kudoodeen inaysan xaq ahayn in canshuurta ay bixiyaan dib loosiiyoganacsato kale, iyaga oosheegay in lacagtaasi gaarikarto 400 ilaa 500 kunsanadwalba.
• Sida kuu cad warqadda taariikh 18-Febraury-2017; ee ka soo baxday xafiiska Hanti-dhowrka qaranka waxaa la joojiyey bixinta lacagtaas.
• Sida ku cad xaashida kale ee taariikhdeedu tahay 03-March-2017; kana soo baxday xafiiska wasiirka wasaaradda Maaliyadda waxa dib loo fasaxay in lacagtii casnhuurta ahayd dib loo siiyo rag ganacsato ah oo uu kamid yahay Maxamuud Gabeyre.
Tani waxa ay dhalisay in ganacsatada canshuurtan bixiyaa ay shaku gelyaan caadyaalnimada madaxda xukuumadda qaarkood, taas oo u muuqato in ay ganacsatadu kula xiran yihiin xafiisyo kala aragti ah qudhoodu oo kawada tirsan xukuumadda Soomaaliya.
Arrinta ugu wayn ee la is waydiinayo ayaa ah canshuurta loogu yeeray ‘khidmadda’ sidaku cad warqadda wasaaradda maaliyaddu ay dib ugucelinayso qaarkamid ah ganacsatada, ma waxa ay noqondoontaa mid joogto ah mise mid laga leeyahay dan gaar ah oo markii laga gaaro la joojiyo;
Maxay xukuumaddu u sheegi doontaa ganacsatada iyo shacabka niyadda iyo yididiilada weyn u haya dowladda cusub ee rajada ka qaba in ay noqon doonto mid la dagaallanta musuqa, kuna shaqaysa caddaalad (transparency) canshuurta yare e soo xarootana u maamaamusha siwaafaqsan nidaamka xalaasha ah ooka madaxbannaan musuqmaasuq iyo ninjeclaysi.
Maxay xagjiriinta u kordhiyaan weerarada bisha Ramadan, maxayse diinta ka qabtaa?
