Wararkii ugu dambeeyey weerarkii ismiidaaminta ahaa ee Hoteel Wehliye

Muqdisho (Caasimada Online) – Weerar ismiidaamin ah ayaa goordhow ka dhacay afafka hore Hoteel Wehliye ee magaalada Muqdisho.

Weerarka ayaa sida aan horayba u sheegnay waxaa ka dhashay khasaaro kala duwan oo soo gaaray dad farabadan oo ku sugnaa goobo dhowr ah oo lagu shaaho kuwaa oo ku yaalla afafka hore ee Hotel Wehliye.

Weerarka ayaa waxaa loo adeegsaday Gaari nooca raaxada ah oo laga soo buuxiyay walxaha Qarxa, waxaana la sheegay in Khasaaraha dhisho uu kordhay.

Tirada dhimashada oo korortay ayaa la sheegayaa in iminka ay mareyso ilaa 8 ruux oo labo kamid ah ay ku dhinteen Isbitaal madiina, halka 6 kalana ay ku dhinteen goobta Qaraxa.

Mas’uuliyiin iyo Ciidamo ka tirsan Dowlada ayaa iminka ku sugan goobta uu ka dhacay weerarka waxaana halkaasi laga daabulayaa dhaawacyo iyo Meydad.

Hotelka Wehliye waxaa ku dhagan maqaayad dadka ay ka cunteeyaan, halkaasi Khasaare ayaa laga soo sheegayaa inuu ka dhashay.

Caasimada Online
Xafiiska Muqdisho
Caasimada@live.com