Nin Xaaskiisa oo u dhashay 7 caruur ah ku gowracay Guriceel

By Asad Cabdullahi Mataan

Muqdisho (Caasimada Online) – Wararka aan ka heleyno gobolka Galgaduud ayaa sheegaya in nin uu xaaskiisa ku gowracay degmada Guriceel ee gobolka Galgaduud.

Ninkaan ayaa xaaskiisa ku gowracay degmada, waxaana la sheegayaa in loo malaynayo in madaxa looga jiro, walow aan la ogeyn sababta ka dambeysay arintan.

Ilaa Todobo caruur ah ayay u dhashay haweeneyda uu gowracay, iyadoo aysan jirin wax khilaaf ah oo muddooyinkaan dambe ka dhex taagnaa sida dadka deegaanka ay sheegeen.

Ehelada haweeneyda la gowracay ayaa sheegay in gabadhooda ay aheyd mid la tacaaleysay nolosha reerkooda, waxaana ay la yaabeen sida ay wax u dhaceen.

Ruuxa falka gowraca geystay ayaa lagu magacaabaa Maxamed Xaaji Cabdi Siyaad halka xaaska uu gowracay magaceeda lagu sheegay Canab File.

Ciidamada maamulka Ahlu sunna ayaa qabtay ruuxa falkaasi ka dambeeyay, waxaan ala dhigay xabsiga magaalada Guriceel ee gobolka Galgaduud.

Caasimada Online
Xafiiska Muqdisho
Caasimada@live.com