Muqdisho (Caasimadda Onlien) – Dowladda Soomaaliya ayaa soo saartay warqad lagu mamnuucaayo duulimaadyada garoonka diyaaradaha magaalada Jowhar, xilli ay u muuqato inay iclaamisay dagaal ka dhan ah maamulka HirShabelle iyo beelaha Hawiye ee dhistay.
Warqadani lagu mamnuucay duulimaadyada ayaa loo sababeeyay kadib markii diyaarado qaad sida ay ka degeen Jowhar, taasi oo ka careysiisay dowladda.
22-kii bishii lasoo dhaafay ayay hay’adda duulista hawada dowladda federaalka Somalia ay mamnuucday in diyaarada ay ka degaan garoonka diyaaradaha magaalada Jowhar,balse qaar kamid ah shirkadaha diyaaradaha qaadka aysan dhag jalaq u siin qoraalkaas.
Haddaba dadka odoroso siyaasadda Soomaaliya ayaa aaminsan inay tallaabadaan tahay mid lagu caburinayo Maamulka Hirshabelle oo ahaa midkii ugu dambeeyey oo ay dhistay dowladdii waqtigeeda dhamaaday ee Xasan Shiikh Maxamuud.
Dowladda Soomaaliya oo ka carareyso waxyaabo dhawr ah ayaa qaadatay go’aankaan lagu xanibayo dhammaan ilihii dhaqaalaha kasoo geli laheyd maamulka Hirshabelle, iyadoo laga fiirinayo saameynta uu maamulkaas ku yeelan karo Caasimadda Soomaaliya ee Muqdisho.
Haddaba halkaan hoose ka aqriso qaar ka mid ah ujeedka ay dowladda ka leedahay inay xinibaad kusoo rogtay Hirshabelle:
1) Dowladda Soomaaliya ayaa dooneyso inuu Maamulka Hirshabelle noqdo mid magac u yaal ah oo aan jirin, maadaama ay ka xirtay dhammaan ilihii dhaqaalaha kasoo geli laheyd, macquulna maahan in Hirshabelle sii jirto haddii aan loo fasixin ilihii ay ka kasban laheyd maareyta Maamulka iyo shaqo socodsiinta.
2) Dowladda Soomaaliya ayaa cabsi weyn ka qabto in Maamulka Hirshabelle saameyn ku yeesho lacagta ay dowladda dhexe ku cunto magac federaalka ee dhaqaalaha Muqdisho, maadaama Hirshabelle dhul ahaan uu aad ugu dhaw yahay Caasimadda Soomaaliya.
3) Dowladda Soomaaliya ayaa kasoo horjeedo in dadka degga deegaanada Hirshabelle aysan la mid noqon dadka kale ee Gobolada Soomaaliya, waxayna dooneysaa in dadka daga halkaas ay waligeed ka dambeeyaan Soomaaliya inteeda kale.
Muddooyinkii dambe waxaa aad u xumaa xiriirka ka dhaxeeyo dowladda dhexe iyo Maamulka Hirshabelle, waxayna tallaabada ay dowladda ku mamnuucyada garoonka Jowhar keeni kartaa isku dhac dhex maro dowladda dhexe iyo dadka daga deegaanadaas.
Xalka Muxuu ku jiraaa?
- In Hirshabelle xuquuq ahaan lala simo maamul Goboleedyada kale ee dalka ka jiro .
- In xanibaada laga qaado dhammaan ilaha dhaqaalaha uu ka heli lahaaa maamulkaas oo uu ugu horeeyo garoonka diyaaradaha Jowhar iyo Dakadda Ceel Macaan.
- Inay arrintaas jawaab cad ka bixiyaan Madaxweynaha iyo Ra’isulwasaaraha Soomaaliya si loo helo xiriir wanaag dhex maro dowladda dhexe iyo Hirshabelle.