“Maxamed Cali Ameeriko Bilad ayuu naga istaahilaa”! (Aqri sababta)

Bishaan December ayaa Qaraxyo isdaba joog ah waxey ka dhaceen Dalka Kenya, Magaalada Nairobi, gaar ahaan Xaafadda Soomaalidu dagto ee Eastleigh, waxaana lagu qabqabtay Soomaali tiradeeda lagu sheegay iney 2.000 oo Qof kor u dhaaftay.

Dadkaas la xirxiray Qaarkood waxey sheeganayaan in Jirkoodi iyo Hantidoodi lagu xadgudbay.

Cabdifataax Xasan Nuurow oo kamid ah Dadkii laga soo daayay Xabsiga kuyaala Xaafada Islii ee loo yaqaano “Bangaani”  ayaa wuxuu yiri:

“Markii Xoriyadeyda lagu xadgudbay waxaan fadhiyay Maqalka Maqaayadeyda, Askar baa soo gashay ayagoo durdurinaaya, wixii Maqalka ku jiraynah waa iga boobeen, Aniga iyo Shaqaalihii intey gacnaha naga xirxreen ayeey Baabuur Shabaqla ah nagu dhex tuureen”

“Afar Maalmood baan xirnaa waxaana nasoo daayay Danjiraha Maxamed Cali Ameeriko (Maxamed Soomaali), waxaan Aaminsanahay hadii Illahey uusan Danjire Maxamed Soomaali noo bixin laheyn Maantay Dad badan oo Soomaali ah ayaa Xabsiyada ku basbeeli lahaa!” …

“Aad baan uga Mahadcelineynaa Howsha wanaagsan oo uu noo qabtay, Runtii Cali Ameeriko Bilad ayuu naga istaahilaa!

Safiirka Soomaaliya u fadhiya Dalka Kenya Maxamed Cali Amerika oo  Soomaalida Nairobi kunool isku raacday inuu yahay Ninka Soomaalida Dalka  Kenya kunool Maantay badbaadshay ayaa Waayahaan Dambe Propaganda indha la’aan iyo Cunsurinimo ku dheehantahay waxaa baafinayay 8 Website oo Hal beel ay leedahay.

Waxeyna Baafinayeen oo ay Buufinayeen Propaganda Waxkama jiraan ah oo Lid ku ah Danjiraha, habayaraateenah aan laheyn Hal Qodob oo ay u cuskadeen Qalad ka yimid Danjiraha.

Websiteyo Beeleedka lagu bartay ama ku caanbaxay inay Propaganda ku buufiyaan wixii markaas ayaga aan u cuntameyn ama aysan u arkin wax ayaga kasoo fulay ayaa waxey dhaliileen Waxqabadka Danjire Maxamed Cali Amerika.

Oo maxey ku dhaliileen:

  • Waxey ku dhaliileen inuu Marwalba u danqado Dadka Soomaaliyeed oo uu wakiilka ka yahay.
  • Inuu ku wareego Xabsiyada iyo Xerooyinka Qaxootiga si uu u kuurgalo Xaalada Maxaabiista iyo Qaxootiga Soomaaliyeed.

Cali America ayaa dhowr jeer laga maqlay Idaacadaha asagoo ka dhiidhinaya, Astakeynayah Xadgudubyada loo geesto Dadka Soomaaliyeed ee kunool Wadanka Kenya. Malaha Websiteyo Beeledka aan kor kusoo sheegnay waxey diidanyihiin in Waxlaqabto oo Waxlooqabto Dadka Soomaaliyeed.

Websiteyo Beeleedyadu waxey kaloo bilaabeen inay Buraash Dhiiqa ah oo aan geed loogu soo gamban ku seeriyaan Madaxweynaha Jamhuuriyada Soomaaliyeed Xasan Sheikh Maxamuud, oo Sadex bilood oo kaliyah Xukunta haya, Waxey kaloo bilaabeen inay Aflagaadeeyaan R/wasaaraha Soomaaliya Cabdi Faarax Shirdoon.

Isku soo duuboo, Aflagaadadaas indha la’aanta ah waxey muujineysaa in Beesha Websiteyadaas ku qaraabata ay kasoo horjeedo Waxwalba oo ku dheehan Horumar, Midnimo iyo Waxqabad Soomaaliyeed.

Barinah waxaan sugeynaa inay Aflagaadeeyaan Gudoomiyaha Baarlamaanka iyo Xildhibaanada aan kasoo jeedin Beesha Sideeda Website…

Isha: KON