Xidiga kooxda Santos Neymar ayaa amaaninsan inuu Lionel Messi ku guuleysan doono abaal marinta Ballon d’Or bedeka weeraryahanka kooxda Real Madrid Cristiano Ronaldo kaasoo sanad wanaagsan la qaatay kooxdiisa.
Weeraryahanka kooxda Barcelona ayaa 84 gool shabaqa kusoo taabtay kooxdiisa iyo xulkiisaba sanadkaan, wuxuuna 20-jirkaani qabaa inuu xidiga heerka caalami ee dalka Argentina u qalmo in la gudoonsiiyo Abaal marinta xidiga caalamka ugu wanaagsan ka dib bandhigiisii la yaabka lahaa.
“Guuleystuhu wuxuu noqon doonaa Messi sababtoo ah wuxuu soo qaatay xilli ciyaareed cajiib ah,” ayuu u sheegay Globoesporte.
“Ronaldo wuxuu sidoo kale soo qaatay xilli ciyaareed wanaagsan si aad ah ayuuna ugu dhowaan doonaa, laakiin Messi ayaa noqon doona guuleystaha.”
Sidoo kale Neymar wuxuu ka hadlay mustaqbalkiisa inuu Yurub ku riyoonay wuxuuna yiri:
“Weli waxaan dareemayaa inaan imaanayo Yurub, laakiin weli ma aysan gaarin waqtigii ku haboonaa. Halkaan [Santos] ayaan aad ugu farax sanahay waxay u dhowdahay qoyskeyga iyo asxaabteyda.”
Waxaa Qoray: Ahmed Jaangoan
E-mail: jangoan@hotmail.com
Caasimada – Mogadishu.
