Pep Guardiola oo noqonaaya tababaraha xiga ee Man City.

By Asad Cabdullahi Mataan

Pep Guardiola ayaa heshiis is af-garad ah la gaaray kooxda Manchester City, sida uu daaha ka qaaday wakiilka Fifa, waxaana sidaas qoray Wargeyska Daily Mirror.

Tababaraha Spanish ka ah ayaa ka tegay Barcelona intii lagu jiray xagaaga wuxuuna sheegay inuu sanad nasiino ah ka qaadanayo kubada cagta.

Kooxda heysta horyaalka Premier League ayaa horaan bishii October agaasimaha kubada cagta ka dhigatay agaasimihii hore ee Barca Txiki Begiristain, halka uu shaqadaan la wadaagayo ninkii ay horay Catalans uga soo wada shaqeeyeen Ferran Soriano.

Hada ayuu wakiilka Fifa Francois Gallardo u sheegay Radio ku yaala Spain inay Man City horaan Pep ka dhigatay bedelka Roberto Mancini.

“Guardiola wuxuu noqonayaa tababaraha xiga ee Manchester City,” ayuu daaha ka qaaday wakiilku.

“Dhib ma lahan hadii Milan iyo kooxo kale ay dalabyo usoo direen.”

Waxaa Qoray: Ahmed Jaangoan

E-mail: jangoan@hotmail.com

Caasimada – Mogadishu.