Muqdisho (Caasimada Online) – Warar kala duwan ayaa ka soo baxaya khasaaraha ka dhashay qarax saaka ka dhacay qeybo ka mid ah magaalada Muqdisho.
Qaraxa oo jugtiisa laga maqlay inta badan gudaha Caasimada, ayaa waxaa la sheegay inuu ahaa Miino, kaas oo lala eegtay gaari ay la socdeen saraakiil ka tirsan dowladda.
Wararka ayaa sheegaya in qaraxa lala bartilmaameedsaday gaariga oo ahaa nooca raaxada, xilli uu marayey dalcadda Taleex degmada Hodan ee gobolka Banaadir.
Ugu yaraan illaa saddex askari ayaa ku dhintay qaraxaasi, halka ay ku dhaawacmeen illaa labo qof oo kale oo shacab ah, kuwaas oo agdhawaa meesha ay wax ka dhaceen.
Sidoo kale warar ay heshay Caasimada Online ayaa sheegaya in gaariga qaraxa lala geetay ay la socdeen saraakiil ka tirsan ciidamada dowladda Soomaaliya.
Weli ma jiro wax hadal ah oo ka soo baxay saraakiisha ciidanka dowladda oo ku aadan qaraxaasi, balse waxaa goobta gaaray ciidamo ka tirsan kuwa ammaanka Soomaaliya.
Caasimada Online
Xafiiska Muqdisho
[email protected]