Dhibaatooyinka Soomaaliya ka jira maanta ma yara Gobolada Dhexe gaar ahaan Mudug iyo Galgaduud muddo labo sano ah wax roob ah kuma hoorin, xoolihii kala bar waa le’deen, haddii la iibsan lahaa xoolaha beec ma leh, kuwo irmaana maba jiraan Beled & Baadiyaba, nolosha dadkuna waa mid aan la sheegi karin, ciddii heli karta Caruurta waxaa la siiyaa Caano Booro, si kastaba waan ogaa in dhulka abaari ka jirto laakiinse waxaan soo arkay in ka badan waxaan filayay .
Safarkeyga wuxuu ahaa Safar Murugo Dhibaato aan la Xanuunsado waxay tiiley Deegaanka Xiin-God oo Gaalkacyo u jirta Qiyaastii 120 Km Dhinaca Bari, waxaan arkay Hooyo Haysata Laba Caruur, oo waalan hadana Cuuryaan ah, waxaa intaa ka sii daran in Hooyadu ay qabto Cudurka Suuxdinta. Hooyada waxaa la yiraahdaa Khadar Axmed Xuseen waa Afartan Jir. Wiilsha waa Xasan Axmed Nuur Aadan oo Sagaal Jir waalan ah, si Qumaati ah uma socon karo, waxaa lagu Xiraa Xarig iyadoo Baqdin laga qabo in uu dadka Dilo, kan kalana waxaa la yiraahdaa Cabdirashiid Axmed Nuur Aadan waa Lix Jir Garguurta oo waalan oo marba meel laga soo qabto. waxaa Waalida u dheer Cunto la’aan, Dhar la’aan, daryeel la’aan iyo Hoyga oo aad ugu liita.si kastaba Qoyskaas waxaa ka muuqdey Dhibaato Bani’aadanimo tii ugu darneyd
“Dhibaatada igu daran waxaan wajahaa markaan Suuxo Sababtoo ah ma helayo wax caruurta waalan ii celiya” ayey Tiri Hooyo Khadar oo intaa ku dartey “ Marka Suuxdinta la igu Ogaado ayaa waxaa la igu yeeraa wiil aan dhalay oo Tuulada Xaas ku leh”
Mar aan weydiiyey Seygeeda, waxa tiri “Gaalkacyo ayuu jiraa” waxaan kaloo weydiiyey Teleefonkiisa waxay tiri “Maxaan Teleefankiisa kaaga sheegaa wax uu na dhaamo ma leh”
Qoyskaas Dhibaateysan waxay Tuulada ka degen yihiin meel Gees ah waxaa uga dhisan Buush Dayr leh, dadkii Caawin lahaa waxay ii sheegtey in aaney maanta waxba dhaamin Abaarta jirta darteed.
Hadaba Ciddi dooneysa in ay Caawiso Qoyskaas Dhibaateysan ha la xiriirto Cabdisalaan Axmed Nuur Aadan oo ah wiil ay dhashay Hooyo Khadar kaasoo ah qofka ugu dhow. Tel 00252618205627
W/Q Cabdinaasir Xiirsi Iidle
E-Mail naasirx1@gmail.com
Tel 00252615503978