Baydhaba (Caasimada Online) – Madaxweynaha Somaliy Maxamed Cabdullaahi Farmaajo ayaa goor dhow gaaray Magaalada Baydhabo ee Xarunta Gobolka Bay.
Wafdiga Madaxweynaha ayaa waxaa Garoonka Diyaaradaha Shaati-gaduud ee Magaalada Baydhabo ku soo dhaweeyay Madaxweynaha Maamulka Koonfur Galbeed Shariif Xasan Sheekh Aadan, Wasiiro iyo Xildhibaano ka tirsan Maamulka.
Waxaana Madaxweynaha Salan Sharaf uu ka guddoomiyaha Ciidamada Dowladda Dhexe iyo kuwa Maamulka Koofur Galbeed ee ku sugan Magaalada Baydhabo ee Gobolka Baay.
Madaxweynaha dalka Maxamed C/laahi Maxamed (Farmaajo) ayaa waxaa lagu wadaa in uu kulamo la qaato Madaxweynaha Koonfur Galbeed iyo Golaha Wasiirada Maamulkaasi.
Warar hoose ayaa sheegaya in magaalada Beydhabo uu kulan Khaasa kula qaadan doono wafdi ka socda dowlada Ethiopia oo iminka gaaray magaalada Baydhabi, waxaana wafdiga kamid ah Diplumaasiyiin iyo Saraakiil.
Ujeedka ugu weyn ee socdaalka Farmaajo ayaa la sheegay inuu yahay kulanka khaaska ah ee uu la qaadan doono mas’uuliyiinta ka socta dowlada Ethiopia, balse waxaa kulankaasi lagu qarinayaa kulan uu la qaadan doono maamulka.
Madaxweynuhu waxa uu ugu baaqay shacabka ku nool deegaannada Koonfur galbeed inay la shaqeeyaan ciidamada si looga dulqaado kooxaha dhibaateynaya shacabka, isagoo intaa ku daray in amniga uu ka midyahay tiirarka ay dowladdu qorsheyneyso inay wax badan ka qabato.
“Aan iska kaashano sidii wax looga qaban lahaa amniga, dowladdu waxaa ka go’an inay xoogga saarto arrimaha amniga, si gar gaar loo gaarsiiyo meelaha ay ka jirto abaaraha, waxaana aan diyaar u nahay inaan wax ka qabano abaaraha ka jirta dalka” ayuu yiri Madaxweyne Farmaajo.
Caasimada Online
Xafiiska Muqdisho
[email protected]