Muqdisho (Caasimada Online) – Waxaa weli soo baxaaya cabashooyin kasoo yeeraya shaqaalaha dowlada federaalka ah ee Somalia kuwaa oo aan helin xuquuq rasmi ah.
Shaqaalaha ay cabashada badan kasoo yeereyso ayaa waxaa ku biiray Suxufiyiin dhowr ah oo ka howlgala Idaacada Codka Ciidamada ee Magaalada Muqdisho.
Suxufiyiintaani oo la hadlay warbaahinta maxaliga ah ayaa sheegay inaan mushaar lasiin muddo 9 bilood oo xiriir ah.
Waxa ay Suxufiyiintu sheegen inaan la aqoon cida sida gaark ah u cuntay mushaaraadkood, balse waxa ay DFS ka dalbadeen inay ka talo bixiyaan dhibaatada heysata xili ay jiraan dhowr Suxufi oo xaaslayaal ah.
Waxa ay tilmaamen in mushaarka uu hadda kasii maqan yahay bisha 10aad oo iminka u gashay, balse waxa ay ku baaqen in loo cadeeyo sababta ka danbeysay in lagu fiirsado dhibta heysata xili ay naftooda ku jirto halis muuqata.
Cabashada Suxufiyiinta ayaa si toosa ugu socta Madaxweynaha dalka Maxamed C/llahi Farmaajo, Ra’isul wasaaraha Xasan Kheyre iyo Wasiirka Maaliyada Beyle.
