Muqdisho (Caasimada Online) Kaddib markii dhowrkii cisho ee la soo dhaafay ay dadka ku nool waddanka Soomaaliya ay ku jahwareereen shirkadda isgaarsinta Nationlink oo laga waayay hawadda, ayaa waxaa arrintaas ka hadlay maamulka shirkadaas.
War-saxaafadeed ka soo baxay shirkadda Isgaarsiinta Nationlink ayaa lagu yiri : UJEEDDO: RAALI GELIN Shirkadda Isgaarsiinta Nationlink Waxay Macaamiisheeda sharafta leh ee isticmaasha Adeega GSM-ka ka raali-gelineysaa Ciladii Farsamo ee ku timid GSM-ka shirkadda Qeybta Koonfurta iyo Bartamaha Soomaaliya.
Ciladaasoo aheyd mid si lama filaan ah ku dhacday haddana la xaliyey, Taasoo sababtay in ay macaamiisha qaaliga ah ee shirkadu waayaan adeega GSM-ka .
Ugu dambeen war-saxaafadeedka ayaa lagu yiri : Nationlink Waxay u mahad-celineysaa Dhamaan macaamiisheeda sharafta leh sida ay ugu Dulqaateen xiligii ay shirkadu ku howlaneyd xalinta ciladaas.
WABILAAHI TOWFIIQ.
Dhowrkii maalmood ee la soo dhaafay ayaa GSM-ka shirkadda Qeybta Koonfurta iyo Bartamaha Soomaaliya la waayay taasoo siyaabo kala duwan loo fasirtay.
Shirkadda Isgaarsiinta Nationlink waa shirkada ugu wayn ee Soomaaliya xagga Taleefonka, waxa ka horreeya shirkadda kale ee Hormuud.
Caasimada Online
Xafiiska Wararka Muqidsho
