Kampala (Caasimada Online) – Warar dheeraad ah ayaa waxa uu kasoo baxayaa Canshuur ay dhawaan Dowlada Ugandha kusoo rogtay dadka shacabka ah ee isticmaala baraha bulshada.
Dowlada Ugandha oo ka duuleysa isticmaalka baraha bulshada ee sii kordhaya ayaa iclaamisay inay bilowday qaadista lacagaha canshuurta.
Lacagaha Canshuurta ee lagu soo rogay dadka shacabka ah ayaa waxaa meelmariyay Baarlamaanka Uganada oo canshuurta ka dhigay mid waajib ku ah dadka isticmaala baraha bulshada.
Baarlamaanka ayaa sababta Canshuurta ku sheegay si dakhliga kor loogu qaado, dadka qaar ayaa sheegaya in arrintan loogu gol leeyahay in la yareeyo dhaleeceynta madaxweynaha dalkaasi Yoweri Museveni.
Lacagaha Canshuurta ee baarlamaanka kusoo rogay dadka isticmaala Baraha bulshada ayaa dhan 200 shillings ($0.0531) oo laga qaadi-doono dadka isticmaala Facebook, Twitter iyo WhatsApp. Lacagtan ayaa sanadkii gaareysa ilaa $19.
Sidoo kale, ilaa 40% dadka reer Uganda oo guud ahaan gaaraya 40 million ayaa isticmaala baraha bulshada gaar ahaan Facebook iyo WhatsApp, waxa ayan Dowladu ku doodeysaa in halkaa ay ku jirto dhaqaale.
Si kastaba ha ahaatee, go’aankaani ayaa hoos u dhigaaya qorshooyinka Xisbiyada mucaaradka ay baraha bulshada ugu dacaayadeen lahaayen madaxweynaha dalkaasi Yoweri Museveni oo xukunka hayey tan iyo 1986.
Caasimada Online
Xafiiska Kampala
Caasimada@live.com
