Muuse Biixi iyo Cagjar oo kulmaya + Ujeeddada

Muqdisho (Caasimada Online) – Madaxweynaha Maamulka Somaliland ayaa tagaya magaalada Tog Wajaale oo ku taala xuduuda Deegaanka Soomaalida uu la wadaago Somaliland.

Muuse Biixi Cabdi, ayaa magaalada Tog-Wajaale kula kulmi doona madaxweynaha deegaanka Soomaalida Ethiopia Mustaf Maxamed Cagjar, waxaana ay ka wada hadlayaan arrimo dhowr ah.

Masuuliyiin ka tirsan xisbiga Kulmiye ayaa shaaciyay in safarka madaxweynaha uu ku tagayo magaalada Tog Wajaale inuu yahay mid looga shaqeynayo wanaajinta xiriirka Somaliland iyo dowlad deegaanka Soomaalida.

Waxaa sidoo kale masuuliyiinta ay sheegeen in madaxweynaha Somaliland iyo madaxweynaha dowlad deegaanka Soomaalida ay ka wada hadli doonaan xiriirka u dhaxeeya Somaliland iyo dowlad deegaanka.

Waa kulankii ugu horreeyay ee yeeshaan Madaxda labada dhinac, waxaana xusid mudan in Madaxweyne Muuse uusan wali la kulmin Ra’iisul Wasaaraha cusub ee Ethiopia Abiy Axmed, maadaama madaxda Somaliland la kulmi jireen hogaanka sare ee Ethiopia.

Ma jiro wax war ah oo kasoo baxay dhanka maamulka dowlad deegaanka oo lagu xaqiijinayo kulanka ka dhacaya magaalada Tog Wajaale.

Caasimada Online
Xafiiska Somaliland
Caasimada@live.com