Wararkii ugu dambeeyey ee Afgambiga dalka Myanmar

By Istar Cabdi Yuusuf

Myanmar (Caasimada Online) – Ciidamada milatariga dalka Myanmar ayaa lagu soo warramayaa inay afgambi kula wareegeen talada dalkaas oo la oran jiray Burma.

Milatariga ayaa xabsiga dhigay hoggaamiyaha xisbiga hayey talada dalka Myanmar ee National League for Democracy (NLD) Aung San Suu Kyi iyo hoggaamiyeyaal kale.

Sidoo kale sakaal sare oo u hadlay ciidanka milatariga ee talada awooda kula wareegay ayaa shaaca ka qaaday inay xukunka heyn doonaan illaa muddo sanad ah.

Ciidamada milatariga ayaa sidoo kale xaalad deg-deg ah ku soo rogay guud ahaan dalka Myanmar, iyada oo ay xaaladdu tahay mid aad u cakiran.

Milatariga ayaa dowladda ugu baaqay in ay dib u dhigto kalfadhiga baarlmaanka oo lagu waday in uu qabsoomo maalinta Isniinta ah.

Si kastaba afgambigan ayaa ka dambeeyey, kadib muran xoogan oo ka dhashay doorashadii bishii November ee sanadkii hore ka dhacday dalkaasi Myanmar.