Muqdisho (Caasimada online) Gaariga wuxuu ahaa nuuca loo yaqaano Hoomay waxaan ka mid ahaa ilaa iyo 25-ruux oo safar u sii ahaa magaalada Jowhar oo qiyaastii 90-km-dhinaca waqooyi ka jirta Muqdisho.
Qofwalba oo gaariga saran waxaa laga qaaday lacag gaaraysa 150 oo shilin Soomaali ah oo taasi oo ah lagacta lagu raaco gawaariada aada magaalada Jowhar.
Inta uusan dhaqaaqin gaariaga darawalka oo aan dhinaciisa fadhiyay ayaa iidhiibtay lacag gaaraysa 500 oo kun oo shilin Soomaali ah, oo uu sheegay inay tahay mid loogu talagalay in lagu bixiyo isbaarooyinka yaala wada u dhaxaysa Muqdisho iyo Jowhar.
Wax yar markii uu dhaqaaqay gaariga inta uusan dhaafin isgoyska Fagax ee Muqdisho, ayaa waxaa gaariga hor istaagay nin wata dharka ciidamada ilaalada wadooyinka ee looyaqaano (Taraafikada) wuuna uu sheegay in gaariga laga rabo inuu biyo lacag gaaraysa 50-kun oo shilin Soomaali ah.
Muran soo kala dhexgalay darawalka iyo ninkii ka dib wuxuu darawalku sheegay inuusan bixinayn lacagta,ka dibna wuxuu diray teleefan wuxuuna diray ninuu ii sheegay inuu la dhashay ninka ciidan ah, markii laga qabtay teleefanka, wuxuu yiri, war niyahow waxaa I heesta midkii kula dhashay ee kaalay naga qabo, inyar ka dib waxaa yimid ninkii la wacay, xaalkuna wuxuu isku badalay adiga miyaa iyo waa aniga ee siidaa sxb.
Markaa ka dibna darawalkii ayari.
“Waa intaas day dowladanimadii aaway askarigii wadan la keenaba isbaaro ayuu dhiganayaa”
Halkii ayaa laga sii socday, Lacagtii la soo qaaday ee loogu talagay in lagu bixiyo isbaarooyinka, ayaa darawalkii uu bilaabay inuu bixiyo, iyadoo la siinayo ciidamo meel fadhiya iyo kuwa jidka soo istaaga intaba, waxaana markasta la bixinayay lacag u dhaxaya 10-ilaa iyo 100-kun oo shilin Soomaali ah.
Markii aan dhaafnay controlka Balcad ayaan waydiiyay Daralka inta lacag ah ee ka baxday Muqdisho ilaa iyo Balcad, wuxuuna iigu jawaabay waxaan biyay 240-kun walina waxaa ii dhimin isbaarooyin badan oo yaala Jowhar ilaa halkaan.
Waan sii sosonaya, wax yar ka dibna jidgooyo ayaan aragnaa lacag ayaana la bixiyaa, ilaa markii danbe aan ka gaarnay controlka laga galo magaalada Jowhar halkaan waxaa jooga ciidamo waxay qaadayaan qaadayaan lacag dhan 130-kun, laakiin maamulka gobalka wuxuu ogyahay in halkaan lagu qaado 100-kun oo kaliya, markii gaariga aansaarnaalacagta laga qaadayna waxaa loo jaray warqad cadaynaysa in laga qaaday 100-kun, oo aysan ku cadayn 30-dheeraad ah.
Markaan Jowhar ayaa lagalay, Abuukar Gacamay oo ah Darawalka gaariga ayaan kala sheekeestay inta isbaaro ee la soo maray iyo inta ay la’egtay lacagta laga soo qaaday.
waxa uuna ii sheegay in isbaarooyinka ay gaarayeen ilaa 12 isbaaro, waxa uu tilmaamay in laga qaaday lacag gaareysa 600,000 sh. so. , isagoona xusay in lacagta ugu badan looga qaado Balcad iyo Jowhar Kontorolka laga galayo.
Afhayeenka maamulka Gobalka Shabeelaha Dhexe Daa’uud Xaaji Ciro ayaan wax ka waydiiyay waxa maamulkooda uu kala socdo isbaarooyinkaan, wuxuuna sheegay inay ogyihiin oo kaliya labo meel oo lacagaha lagu qaado oo yaala balcad iyo Jowhar oo shar ah laakiin wax kale uusan maamulkooda ogayn, isagoona sheegay in ay xooga saari doonaan sidii loo cirib tiri lahaa isbaarooyinkaasi.
Daa’uud wuxuu sidoo kale sheegay in cabasho ku aadan arintaan ay ka soo gaartay shacabka laakiin maamul ahaan ay doonayaan inay wax ka qabtaan.
Caasimada online
Xafiiska Muqidsho
W/Q Maxamed Kaafi