Muqdisho (Caasimada online) C/qaadir Cumar Maxamuud Dhoore, ayaa maanta waxay maxkamada gobolka Banaadir waxay ku riday xukun dil ah kadib markii sida la sheegay ay ku cadaatay inuu hore u dilay Marxuun Cali Maxamuud Xasan.
Xaashi Cilmi Nuur, Gudoomiyaha maxkamada Gobolka Banaadir ayaa ku dhawaaqay xukunkaas dilka ah kadib markii eedeysane C/qaadir Cumar lagu cadeeyay inuu fal dil ah u geystay Cali Maxamuud .
Wuxuu sheegtay in dilka uusan ahayn mid maanta kaliya ku eg balse wuxuu sheegay inuu hore usoo socday walina uu soconayo , isla markaana la dilay qof waliba oo dil geysta lagana abaal marin dooni wixii uu dhib geysto.
Halkkaan ka dhageyso Xukunka Maxkamadda gobolka Banaadir
Dhinaca kale Maxkamada ayaa maanta waxay xukuno kala duwan oo ay ku jiraan kuwo Xukun Sanado ah ay ku jiraan waxay ku riday eedeysanayaal dambiyo kala gadisan lagu eedeeyay.
Eedeysanayaashan oo gaarayay ilaa sagaal qof ayaa lagu kala xukumay Xukuno isugu jiray 5 ilaa 30 sano ka gadaal markii lagu kala eedeeyay dambiyo ay ka mid ahaayeen dhac iyo sidoo kale wax is daba marin.
Nin la sheegay inuu ka mid ahaa eedeysanayaasha maanta maxkamada laso taagay ayaa la sii daayay ka gadaal markii lagu waayay wax dambi ah .
Caasimada online
Xafiiska Muqdisho
Xaasimada@live.com
