Muqdisho (Caasimada Online) – Wararka ka imaanaya Waqooyiga Magaalada Gaalkacyo ayaa sheegaya in dhammaan Xafiisyada maamulka Puntland ee W/Magaalada Gaalkacyo ay yihiin kuwo xiran.
Wararku waxa ay sheegayaan in Xafiisyada loo xiray sababo la xiriira Ciidamo gadoodsan oo caado ka dhigtay inay hordhoobtan Xarumaha maamulka iyagoo shaqaalaha maamulka ku kala eryinaaya rasaas.
Mas’uuliyiin ka tirsan maamulka ayaa sheegay in shaqooyinka maamulka ay ka socon la’ yihiin Ciidamada maamulka oo mar waliba rasaas u adeegsada shaqaalaha iyagoo raadinaaya xuquuq.
Mas’uuliyiinta ayaa sheegay in Madaxda ugu sareysa ee maamulka Puntland ka doonayaan inay xal u helaan Ciidamada sida joogtada ah sababta ugu noqda xirnaanshiyaha Xarumaha maamulka.
Ciidamada oo qeyqeyb u dhiga dibadbax ay ku raadinayaan xuquuqdooda ayaa la sheegay in si joogta ah ay u carqaladeeyan shaqooyinka maamulka.
Dhinaca kale, Deegaanada maamulka Puntland ayaa waxaa inta badan ka dhaca gadood ay sameynayaan ciidamada maamulka, taa oo caqabad ku noqotay shaqooyinka maamulka.
Caasimada Online
Xafiiska Muqdisho
Caasimada@live.com
