Muqdisho (Caasimada Online)-Waxaa goordhow magaalada Muqdisho ku geeriyooday Xildhibaan ka tirsanaa Baarlamaankii 8aad ee Dowlada Somalia.
Xildhibaanka ayaa la sheegay inuu ku geeriyooday Isbitaalka Digfeer ee magaalada Muqdisho, waxaana magaciisa lagu sheegay Cali Axmed Maxamed Bood-boode loona yaqiinay Cali-faanto.
Xildhibaanka ayaa magaalada Muqdisho lasoo gaarsiiyay isagoo xanuunsan waxaana laga keenay Gobolka shabeelaha Hoose gaar ahaan degmada Wala-weyn.
Mid kamid ah ehelada Xildhibaanka ayaa sheegay inuu ahaa mid xanuunsan oo maalinba maalinta xigta kasii daraayay waxa uuna intaa raaciyay in ugu danbeyntii uu goordhow geeriyooday.
Dhinaca kale, geerida xildhibaanka ayaa waxaa ka tacsiyadeyey Xildhibaano dhowr ah.
Caasimada Online
Xafiiska Muqdisho
Caasimada@live.com
