Muqdisho (Caasimada Online) – Iyadoo maalinimadii shalay uu Ra’isul wasaare Xasan Kheyre ku dhawaaqay Golaha Wasiirada Xukuumada Somalia, ayaa waxaa durba magacaabidaasi ka hor imaaday Xildhibaano ka tirsan BFS.
Xildhibaan Idiris Cabdi Dhaqtar oo ka mid ah xildhibaanada Baarlamaanka Soomaaliya, ayaa sheegay in BFS uusan ansixin doonin Golaha Wasiirada Xukuumada Somalia.
Xildhibaanka oo la hadlaayay warbaahinta ayaa sheegay in dhismaha Golaha Wasiirada Xukuumada Somalia, aan loo marin nidaam sax ah, waxa uuna tilmaamay inaan la ansixin doonin Golaha.
Xildhibaan Idiris waxa uu sheegay in Ra’isul wasaare Kheyre uusan la tashan Xildhibaanada BFS, waxa uuna cadeeyay in Xildhibaanada aysan meel marin doonin Wasiiro qaabkaasi lagu dhisay.
Waxa uu tilmaamay in Xildhibaanada kasoo horjeeda Golaha Wasiirada ay dhan yihiin 68 mudane oo aan meelmarin doonin Golaha.
Dhinaca kale, waxa uu tilmaamay in Sababta ugu weyn oo ay kaga hor imaanayaan ansixinta ay tahay in Madaxweynaha iyo Ra’isul wasaaraha ay albaabada ka xirteen Xildhibaanada.
Caasimada Online
Xafiiska Muqdisho
Caasimada@live.com
