Muqdisho (Caasimada Online) – Warar lagu kalsoon yahay ayaa sheegaya in Madaxweynaha dalka Maxamed C/llahi Farmaajo uu hoos u dhac ku sameeyay Safarada Wasiirka Arrimaha Dibadda Somalia Yuusuf Garaad.
Madaxweynaha ayaa go’aankaasi qaatay kadib markii La-taliyayaashiisa ay u gudbiyeen dhaliilaha dhanka Safarada.
Madaxweynaha oo ka duulaya Safarada badan ee dowladiisa ayaa hoos u dhac ku sameeyay Safarada Wasiir Garaad iyo dhowr Wasiir oo kale oo uu kamid yahay Wasiirka Amniga.
Madaxweynaha ayaa Wasiirada ku amray inay yareeyan Safarada xad dhaafka ah, waxa uuna taa bedelkeeda usoo jeediyay inay ku mashquulan howlahooda gudaha, iyadoo la raacaayo ballanqaadka ay DF u sameysay shacabka.
Wasiirka Arrimaha Dibadda Somalia ayaa sii wadankara Safaradiisa balse waxaa la faray inuu xakameeyo tirada badan.
Wasiirka Amniga XF ayaa sidoo kale laga mamnuucay Seddex meelood hal meel Safarada uu ku gaari jiray dalka dibaddiisa, waxaana xusid mudan inuu yahay Wasiirka ugu safarka badan.
Talaabadani ayaa kusoo beegmeysa xili Madaxweynaha dalka uu horay u ballanqaaday inuu yaraan doono Safarada ay gali doonto dowladiisa.
Caasimada Online
Xafiiska Muqdisho
[email protected]