London (Caasimada Online)- Dowlada UK ayaa safiir cusub usoo magacowday dalka Soomaaliya taasi oo badali doonto Neil Wigan oo Soomaaliya muddo ka shaqeynayay,
Boqorada dowlada UK ayaa safiiska cusub ee Soomaaliya u fadhin doonta ku sheegtay haweenay lagu magacaabo Harriet Mathews OBE oo badali doonta Neil Wigan oo UK Soomaaliya u qaabilsanaa.
Haweenaydaan ayaa la sheegay in bisha June ee soo socota ay la wareegi doonto xafiiska uu ku shaqeynayay Neil Wigan.
Wararka ayaa intaasi ku daraya in Neil Wigan loo magacaabay xil kale oo diblu maasiyadeed,.
Haweenaydaan laga dhigay safiirka UK u fadhin doonta Soomaaliya ayaa waxay kusoo biirtay siyaasada arimaha dibada ee Ingiriiska sanadkii 1977.
Waxayna hadda ka shaqeynaysay xafiiska wasaarada arimaha dibada oo ay u qaabilsaneyd arimaha la dagaalanka Cudurka EBOLA.
Waxay kasoo shaqeysay xafiisyo badan iyadoo wasaarada wakiil kaga noqotay dalalka Brazil, Afganistan iyo Israel.
Caasimada Online
Xafiiska London
[email protected]