Muqdisho (Caasimada Online) – War goordhow ay Heshay Caasimada Online ayaa sheegaya in Siyaasiga kala geynta Soomaalida u qaabilsan Dowlada Ethiopia Gen. Gabre uu faro-gelin xoogan ku hayo doorashada madaxweynaha Soomalaiya.
Gabre ayaa bilaabay uruurinta xogta iyo taariikh nololeedka Musharaxiinta u taagan qabashada xilka Madaxweyninimo ee Somalia.
Gen. Gabre ayaa ururinta xogta musharaxiinta la kaashanaya xubno Siyaasiyiin Soomaali ah kuwaasi oo ku xiran Dowlada Ethiopia.
Musharaxiinta xogtooda nololeed iminka la diyaariyay ayaa waxaa tiro ahaan lagu sheegay 7 Musharax oo miisaan ku dhex leh Siyaasada Somalia, ahan kuwa ugu cad cad doorashada.
Musharaxiinta Taariikhdooda la diyaarinaayo ayaa waxaa la xaqiijiyay in loo gudbin doono Dowlada Ethiopia oo galaan gal ku dhex leh Siyaasada Somalia.
Waxyaabaha la ururinayo waxaa ka mid ah aragtidooda ku aadan dowladda Ethiopia, haddii ay jiraan hadallo ay horey u jeediyeen oo Ethiopia ku saabsan iyo dowladaha ay ku xiran yihiin.
Caasimada Online
Xafiiska Muqdisho
[email protected]