Cadaado (Caasimada Online) – Waxaa goordhow magaalada Cadaado gaaray Hogaamiyayaasha Puntland iyo Jubbaland, waxaana lagu wadaa inay ka qeybgali doonaan munaasabada Caleemasaarka Hogaamiyaha Galmudug Axmed Ducaale Geelle Xaaf.
Labada Hogaamiye ayaa waxaa Garoonka kusoo dhaweeyay mas’uuliyiin ka tirsan maamulka Galmudug.
Wafdiga ka qeybgalaaya caleemasaarka ayaa waxaa Garoonka ugu diyaarsan Hogaamiyaha Galmudug Axmed Ducaale Geelle Xaaf, kuxigeenkiisa iyo Wasiirka Arrimaha Gudaha ayaa ku soo dhoweeyay wafuuda.
Sidoo kale, waxaa goor dhow gaaray Cadaado Wakiilka Qaramada Midoobey u qaabilsan Soomaaliya Danjire Micheal Keating iyo wakiilo ka socda Beesha Caalamka.
Waxaa la filayaa in goordhow ay gaari doonaan Safiiro kale oo iyagu qeyb ka noqon doona caleemasaarka.
